Arbetsplatsbeskrivning
Lærdal sjukehus er eit lokalsjukehus for Indre Sogn. Lærdal ligg inst ved Sognefjorden med god kommunikasjon til Oslo og Bergen, ferjefritt samband med reisetid på hhv. 4,5 og 3 timar. Her er typisk vestlandsnatur med flott turterreng i nærområdet, sommar som vinter. Vi har skule og barnehage i nærområdet og det er full barnehagedekning i kommunen.
Avdeling for akuttmedisin ved Lærdal sjukehus søkjer operasjonssjukepleiar i 100% fast stilling snarast. Vi gjer merksam på at det i tillegg til lønn etter overeinskomst vert gitt rekrutterings-/stabiliseringstillegg.
Arbetsbeskrivning
- Operasjonssjukepleie til operasjonar innan ortopedi med fokus på proteseoperasjonar
- Sterilsentraloppgåver
- For tida dagarbeidstid og fri kvar helg
Vi tilbyr
- Lønn i samsvar med gjeldande overeinskomst
- Rekrutterings-/stabiliseringstillegg på kr. 100.000 per år i 100 % stilling
- Gode pensjons- og forsikringsordningar
- Triveleg arbeidsmiljø.
- Lite miljø med oversiktlege forhold
- Avtale om ambulerande virksomhet etter preferanse
- Sjukehuset kan legge til rette for leige av bustad etter behov. Oppgi i søknaden dersom det er ønskeleg.
Kvalifikationer
- Norsk autorisasjon som sjukepleiar
- Spesialutdanning innanfor operasjonssjukepleie vert kravd for spesialsjukepleiar
- Må beherske godt norsk både munnleg og skriftleg
- Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad (gjeld berre for helsepersonell)
- Erfaring med ortopediske proteseoperasjonar er ein fordel
Personlege eigenskapar
- Evne til å arbeide målretta med arbeidsoppgåver
- Vere ein god lagspelar
- Må kunne arbeide sjølvstendig
- Trivast med å jobbe i eit tverrfagleg team
Kontakt
Tom Nordstrand
Seksjonsleiar
(+47) 474 14 650
Övrig information
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 000 tilsette og eit budsjett på over 3 milliardar kroner og er den største verksemda i Sogn og Fjordane.
Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.